HTS Drostdy Logo donkie

Fasiliteite Op Terrein

Drostdy beskik vir seker oor die beste fasiliteite denkbaar. Die ligging van die skool komplimenteer beslis die pragtige geboue en goedversorgde sportfasiliteite.

Enige van hierdie fasiliteite kan gehuur word.  Kontak me. Rachelle Swiegers by ontvangs@htsdrostdy.co.za

Sportfasiliteite

Funksiefasiliteite

Ander Fasiliteite

Sportfasiliteite

Hoëprestasie-
sentrum

‘n Volledig toegerusde hoëprestasiesentrum is tot die leerders se beskikking. Sportspanne volg daar ‘n oefenprogram wat deur die kondisioneringsafrigter, mnr. Didier Nigrini uitgewerk word. Leerders betaal ‘n minimale lidmaatskapfooi.

Swembad

‘n Vyf-en-twintig-meter-swembad, verkleegeriewe en spreiligte maak die swembad een van die gewildste areas gedurende die somermaande.

Rugbyvelde

Vyf rugbyvelde — waarvan Trappespark oor goeie spreiligte en ‘n pawiljoen beskik, asook twee klubhuise waarvan een ook aantrekgeriewe en twee snoepwinkels het.  Hier word gereeld toernooie aangebied. Die eerste rugbyspan het hul eie aantrekkamer met storte.

Atletiekbaan

‘n Atletiekbaan met grasoppervlak rondom Trappespark.  Hier word leerders in die somer die kans gebied om aan die Interkoshuis Atletiekbyeenkoms deel te neem.  Die Aflosbyeenkoms tussen verskeie skole word ook baie goed ondersteun.

Hokkie-Astrobaan

Drostdy beskik oor ‘n International Hockey Federation gesertifiseerde Astro, waar nasionale spanne kan meeding, asook ‘n topgehalte grasbaan.

Krieketvelde

Daar kan twee krieketwedstryde gelyk op Drostdy se gronde plaasvind.  Daar is ‘n krieketklubhuis wat geleë is onder die pawiljoen.  Kolwers kry ook tydens oefening geleentheid om in een van die vier krieketnette die aanslag van boulers af te weer.

Tennisbane / Netbalbane

Ses tennisbane (met ‘n oefenmuur), wat ook vyf netbalbane insluit en sy eie klubhuis het.  Die bane is in 2020 oorgedoen.

Skyfskiet

‘n Lokaal waar skyfskiet beoefen word.

Pawiljoen

‘n Onderdak pawiljoen bied sitplek vir 1000 toeskouers en kyk uit oor Trappespark waar rugby en atletiek beoefen word.

Noodhulpkamer

‘n Noodhulpkamer onder die pawiljoen wat deur ons eie opgeleide noodpersoneel beman word.

Toutrek

‘n Toutrekbaan met permanente oefenkonstruksies is opgerig.  Die Oppi-Tou stoorkamer is opgerig ter ere van Oom Oppies, Hercules Opperman, wat een van die stigters was van toutrek by HTS Drostdy.

Pyntuin

Die pyntuin waar verskeie natuurlike fiksheidsoefeninge gedoen kan word.

Verhuringstariewe

Funksiefasiliteite

Klubhuise

Die Jan Bosman-klubhuis (sedert 1985) het ‘n onbelemmerde uitsig oor al die sportgronde. Dit huisves ‘n onthaallokaal (vir ongeveer 100 mense), ‘n klank- en aankondigerstelsel, 4 aantrekkamers, toiletgeriewe, asook ‘n goed toegeruste snoepwinkel.  ‘n Tweede kiosk is ook langs die klubhuis geleë.

Die Martin Oosthuizen-klubhuis (sedert 2002) is deur die oudskoliere ontwikkel en is aan die noordekant van Trappespark geleë.

Koshuise

Aangesien die koshuise op die terrein geleë is, is Drostdy uiters geskik vir die aanbied van toernooie en sportbyeenkomste.  Vir navrae in die verband kan u die skool skakel – mnr. Callie le Roux (Besturende Koshuishoof) 023 342 2320.

Skoolsaal

Die goed toegeruste MJ de Wet-saal, met galery en balkon wat uitloop na buite, 900 leerders akkomodeer.

De Drostdy Restaurant

Die Drostdy Restaurant grens aan die Gasvryheidsstudiesafdeling en word gereeld vir funksies asook opleiding gebruik.

Marshalls Plein

‘n Boomryke buitelugontspanningsarea vir matriekleerders.

Verhuringstariewe

Anderfasiliteite

Innovasiesentrum

Die Innovasiesentrum is in 2019 ingerig en leerders van graad 8 en 9 neem Robotika-klasse waar hulle kodering leer en hoe om innoverend te dink, veral oor die toekoms.

Die Argief

Die kleurryke geskiedenis van HTS Drostdy vanaf 1903 word volledig uitgestal en is beslis ‘n besoek werd.

Xpedisie Belewenis

Dit is ‘n toeganklike hub waar leerders toegang het tot berading en geestelike ondersteuning deur ‘n opgeleide jeugwerker.

Mediasentrum

Leerders kan in ‘n stil omgewing leer asook navorsing doen vir take met toegang tot rekenaars met internet, fotostaatmasjien, ‘n volledige naslaanafdeling, koerante, nuwe fiksie en nie-fiksieleesstof.

Terug Na Fasiliteite