Vakkeuse
Aan alle graad 9’s en hul ouers wat vakkeuses vir graad 10 moet maak – hier is ‘n bietjie hulp. Lees gerus deur die Vakkeusegids waarin die algemene en tegniese bane verduidelik word en daar van al die onderskeie vakke ‘n deeglike oorsig is.
Graad 8 en 9
Graad 8 en 9 vorm deel van die senior fase wat reeds in graad 7 begin het. Die volgende vakke word aangebied:
Afrikaans
Huistaal
Engels
Eerste Addisionele Taal
Wiskunde
Natuurwetenskappe
In graad 9 verdeel die vak in Natuurwetenskappe en Lewenswetenskappe
Ekonomiese & Bestuurswetenskappe
Rekeningkunde vorm ‘n groot deel van die kurrikulum
Tegnologie
In Graad 9 kry leerders blootstelling aan al die praktiese vakke
Sosiale Wetenskappe
Twee afdelings: Geskiedenis en Aardrykskunde
Skeppende Kunste
Twee afdelings: Visuele Kunste en Drama
Slaagvereistes
Afrikaans
(Huistaal)
50%
Engels
(Addisionele Taal)
40%
Wiskunde
40%
3 ander vakke
40%
In oorblywende 2 vakke
30%
Mag 1 vak druip
Graad 10 – 12
In September van hul graad 9 jaar oefen leerders hulle vakkeuses uit. HTS Drostdy het een van die wydste vakkeuses in die Wes-Kaap. Daar is beide ‘n algemene en ‘n tegniese baan.
Vakkeusegids
Wanneer jy die Vakkeusegids oopmaak, sal daar op baie van die bladsye ‘n blokkie wees wat flikker wanneer jy omblaai. Elkeen van daardie blokkies bevat ‘n interaktiewe skakel na ‘n video of webblad waarmee jy bietjie meer van die vak kan leer. Jy kan ook die hele boek as pdf-dokument aflaai deur op die download opsie te kliek. Geniet dit en maak ‘n ingeligte besluit.
Kunssentrum
Kunsvakke word in die middae by die Hugo Naudé Kunssentrum geneem. Daar is egter addisionele kostes hieraan verbonde.
Visuele Kunste
(Kunssentrum)
Skilder, Teken, Fotografie
Ontwerp
(Kunssentrum)
Grafiese Ontwerp, Produkontwerp
Dramatiese Kunste
(Kunssentrum)
Addisionele Vakke
Vakke wat as addisionele vakke geneem kan word:
Ingenieursgrafika & Ontwerp (IGO)
Toerisme (TOER) (slegs graad 11 en 12)
- Slegs leerders met bewese, besondere akademiese prestasies sal toegelaat word om addisionele vakke te neem. So ‘n leerder moet ten minste ‘n gemiddeld van 65% handhaaf.
- Leerders moet voldoende rede verskaf vir die neem van addisionele vakke.
- Die Skoolgebaseerde Assesseringspan (SGAS) keur al die aansoeke.
- ‘n Addisionele vak moet nooit ten koste van die verpligte sewe vakke geneem word nie.
- Leerders moet die volle assesseringsprogram van die addisionele vak(ke) deurgaan.
- Onderwysers wat wel instem, maak ‘n onderneming vir graad 10 tot 12.
- As gevolg van die vol akademiese rooster van personeel is leerders grootliks op hulle eie aangewese vir die instudeer van die leerinhoud. Kontaksessies sal een keer ‘n week in die middae plaasvind.
- ‘n Bedrag van R 800,00 per kwartaal, is vooruitbetaalbaar by die Algemene Kantoor. Addisionele vakke verskyn ook op die leerder se rapport.
