Drostdy speel elke jaar teen die top-rugbyskole soos, Paarl Boys’ High, Paarl Gimnasium, Monument, Outeniqua en Oakdale. Deelname is prioriteit. Rugbyklinieke en -toernooie word gereeld bygewoon en as gevolg van die strawwe kompetisie, vorm die Drostdyers gereeld die ruggraat van die Boland-skolespan.

Drostdy se eerstespan speel in 2019 in 17 wedstryde. Goeie oorwinnings is behaal teen HTS Middelburg, Transvalia, Durban High School, Marais Viljoen en Duineveld. Die eerstespan neem ook deel aan die Kearsney Easter Rugby Festival wat in Durban plaasgevind het.

Die junior spanne beleef ook ‘n goeie seisoen. Saam met die eerstespan neem hulle deel aan die Noord-Suid en ook die Wildeklawer toernooi, waar hulle goeie vertonings teen Affies en Monument opgelewer het.

Gedurende die 2019 seisoen is 8 Drostdy seuns opgeneem in die o/18 Boland Cravenweekspan opgeneem. Daar is ook 2 seuns in die o/18 Akademiespan opgeneem. Drostdy het ook 10 seuns wat in die o/16 Boland Grant Khomo span opgeneem is. Keane Galant is ook opgeneem in die SA Skolespan. Ons het ook goed gevaar op die sewes-rugby gebied. Ons het 2 seuns in die Boland o/17 sewesspan wat aan die Interprovinsiale toernooi in Welkom deelgeneem het. Aan die einde van die jaar het daar ook 8 van ons seuns in ‘n uitnodigingspan in Dubai aan die Internasionale Sewes toernooi gaan deelneem.

Tydens die September vakansie word 3 van ons seuns na die o/16 SARU Elite oefenkamp in die Paarl uitgenooi. Daarmee saam was daar ook 6 van ons seuns wat saam met ‘n uitnodigingspan na Ierland getoer het.

Drostdy beskik oor baie goeie afrigters. Mnr Rudolph le Roux is die hoofafrigter van die Boland Grant Khomospan.

Ons is baie opgewonde oor die 2020 seisoen. Al ons spanne neem deel aan die Noord-Suid toernooi in Worcester en ook die Wildeklawer toernooi in Kimberley. Die eerstespan is ook weer genooi na die Kearsney Easter Rugby Festival in Durban.

Ons het ook opwindende nuwe aanstellings gemaak. Jake White wat die Springbokke gebrei het tot Wêreldkampioene in 2007, is as rugbykonsultant aangestel. Sylvester Booysen is ook aangestel as die nuwe Direkteur van Rugby. Ons glo die nuwe aanstellings sal die Donkies na die volgende vlak neem.