Home » Toutrek

Toutrek

Toutrek is in 1974 deur Louis Coetzee (Meester) en Hercules Opperman (Oppies) by Drostdy begin. Sedertdien kan daar op ‘n roem- en tradisieryke toutrekgeskiedenis, vol hoogtepunte, teruggekyk word.

Tans is daar meer as 80 seuns wat gereeld oefen en Saterdae in 6 gewigsafdelings deelneem:
400 kg; 440 kg; 480 kg; 520 kg; 560 kg; 600 kg.

Daar is 50 dogters wat sedert 2013 in 3 gewigsafdelings meeding: 440kg, 480kg, 520kg.

In 2016 word die dogters gekroon as die WP/Boland in al drie die gewigsafdelings.

Die 520-kg gemengde span (4 seuns en 4 dogters) is ook in 2016 die WP/Boland en die SA-kampioene.

Die volgende afrigters sien gedurende die week, en elke Saterdag, na Drostdy se 40 toutrekspanne om:

Nollie Stofberg (Nasionale Kleure / Nasionale afrigter)
Willem Viljoen (Nasionale kleure)
Eric Britz (Nasionale kleure / Nasionale afrigter)
Marius Smit (Nasionale kleure / Nasionale afrigter / Nasionale koördineerder)
Riaan van Lill (Onderwyser)
Oupie du Plessis (Onderwyser)

Die ondersteuningspan (finansies, kleredrag, voeding, SA-reëlings, ens.) bestaan uit Lynne Liebenberg, Juanita Stanbridge en baie gewillige ouers.

Op die 2016-WP/Boland byeenkoms wen Drostdy se seuns goud in al die gewigsafdelings. Die dogters wen ook goud in al drie hulle gewigsafdelings!

Tydens die 2016-SA Toutrekkampioenskap op Buffelsjag, wen Drostdy se seuns 1 goue medalje1, 1 silwer en 3 bronsmedaljes. Die dogters verower goud in 2 van gewigsafdelings en palm ook nog 1 silwer en 1 bronsmedalje in!

Die dogters se 480kg-span kwalifiseer vir die tweede agtereenvolgende jaar vir Protea Kleure en ‘n geleentheid om aan die Wêreldkampioenskap in Swede deel te neem.

Oefentye:
Maandag – Donderdag
16:30 – 19:00

Plek:
OPPIE-Tou

Kompetisies:
Elke Saterdag (1ste kwartaal) behalwe tuisnaweke.
Daar vind ook 3 kompetisies in die 4de kwartaal

Kompetisievelde:
Drostdy, Worcester, Goudini, Breërivier, Paarl, Malmesbury, Helderberg (Strand), Jan Kriel, Westcliff

IMG-20150327-WA0051 Toutrek A-spanne Toutrek meisies

20150327_083046 20150328_170855 IMG-20150126-WA0000