Home » Swem

Swem

Swem by HTS Drostdy het hierdie jaar vir baie opwinding en prestasie gesorg. Swemmers wat swem as sport beoefen neem deel aan die “Boland Aquatics”-galas wat deur die loop van die seisoen by verskillende skole in die Wes-Kaap aangebied word.

Van hierdie swemmers is daar wel ook swemmers wat op provinsiale vlak deelneem en baie goeie prestasies lewer. Cameron Mostert, Arno Visser, Klara Naudé, Claudi Bester, Danté Marais asook Aldo Marais verteenwoordig HTS Drostdy by WP-proewe asook by vlak 1,2 en 3 kompetisies.

Hierdie jaar het ons begin met ‘n Interkoshuis gala waar die seuns en dogters elkeen ‘n aparte byeenkoms gehad het. Beide was baie pret en dit skep geleentheid vir selfs die leerders wat nie swem as ‘n sport beoefen om deel te neem en vir hul koshuis punte bymekaar te maak. Tesame met al die ander interkoshuis aktiwiteite maak hierdie gala ook ‘n groot deel uit van wie uiteindelik die koshuis beker sal wen.

HTS Drostdy het ‘n 25m swembad waar hierdie leerders Maandae en Woensdae tydens die eerste en vierde kwartaal oefen en dan aan galas meestal op Donderdae en Saterdae deelneem.

By HTS Drostdy spog ons met pragtige fasiliteite vir hierdie sport.

IMG_7065IMG_7114IMG_7121IMG_7090IMG_7102IMG_7198IMG_7095IMG_E7109