Home » Rugby

Rugby

Met tot 18 rugbyspanne is rugby beslis Drostdy se gewildste sport. Die Donkies speel hul rugby in die WP asook die Boland-liga teen skole soos Bishops, Paarl Gimnasium, Worcester Gimnasium, Paarl Boys High, Hugenote, Outeniqua, HTS Daniël Pienaaar, ens.

Rugbyklinieke en toernooie word gereeld bygewoon en a.g.v. die strawwe kompetisie, vorm die Drostdyers gereeld die ruggraat van die Boland-skolespanne. Toere in die binneland word onderneem. Die wedstryd teen Worcester Gimnasium is deel van die gewilde Classic Clashes-reeks, terwyl ons jaarliks die Noord-Suid Rugby toernooi by Drostdy aanbied.  Dit sluit alle A-spanne vanaf die O/14 in en vind die Maart-vakansie plaas.

Gedurende die 2015-seisoen verwerf vier spelers Boland-Cravenweek-kleure en twee spelers verteenwoordig die O/18-Boland Akademiespan.  Vier O/16-spelers neem aan die Grant Khomo-week deel as lede van die Boland-span.  Een speler word gekies vir die Boland-Sewespan.

Oefendae:
Juniors (O/14 & O/15)
Maandae en Woensdae, 15:30-17:00
Seniors (O/16 & O/19)
Dinsdae en Donderdae, 15:30-17:00
Oefentye kan verander indien anders deur afrigter gereël.

Opdraf Rugby1 (2) Rugby1 Rugby2 Rugby3 Rugby4

R13 R12 R10 R9 R8 R7 R5 R2 R1