Home » Rugby

Rugby

Drostdy speel elke jaar teen die toptien-rugbyskole soos, Paarl Boys’ High, Paarl Gimnasium, Stellenberg en Oakdale. Deelname is prioriteit. Rugbyklinieke en -toernooie word gereeld bygewoon en as gevolg van die strawwe kompetisie, vorm die Drostdyers gereeld die ruggraat van die Boland-skolespan.

Drostdy se Eerstespan speel in 2018 in 18 wedstryde waarvan hulle 14 wen. Goeie oorwinnings is behaal oor Outeniqua, Selborne College, Transvalia, Stellenberg, Marais Viljoen en Menlo Park. Die eerstespan neem ook deel aan die Kearsney Easter Rugby Festival wat in Durban plaasgevind het.

Die junior spanne beleef ook ‘n goeie seisoen. Saam met die Eerstespan neem hulle deel aan die Noord-Suid toernooi en ook die Wildeklawer toernooi, waar hulle goeie vertonings teen Affies en Monument gelewer het.

Gedurende die 2018 seisoen is 9 Drostdy seuns in die o/18 Boland Cravenweekspan opgeneem. Daar is ook 5 seuns in die o/18 Akademiespan opgeneem. Drostdy het ook 6 seuns wat in die o/16 Boland Grant Khomo span opgeneem is, terwyl een dogter in die Boland o/16 dogterspan opgeneem is.

Ons het ook goed op die sewes-rugby gebied gevaar. Drostdy word as die Boland Skole kampioen tydens die Twizza sewes-toernooi in Worcester gekroon. Daarmee saam het ons 5 seuns in die Boland o/17 sewes-span wat aan die Interprovinsiale toernooi in Potchefstroom deelgeneem het. Aan die einde van die jaar het daar ook 8 van ons seuns in ‘n uitnodigingspan in Dubai, aan die Internasionale Sewes toernooi deelneem, waar die span algeheel 5de ge-eindig het. Christie Grobbelaar is ook opgeneem in die o/18 SA sewes-span wat by die Jeug Olimpiese Spele deelgeneem het.

Tydens die September vakansie word 4 van ons seuns uitgenooi na die 0/17 SARU Elite oefenkamp in Wellington en 1 van ons seuns na die o/16 SARU Elite oefenkamp in die Paarl.

Ons is baie opgewonde oor die 2019 seisoen. Al ons spanne neem deel aan die Noord-Suid toernooi in Uitenhage en die Wildeklawer toernooi in Kimberley. Die Eerstespan is ook weer genooi na die Kearsney Easter Rugby Festival in Durban. Hulle is ook genooi na die Blou Bulle se Prestige rugbydag wat op Loftus Versveld in Pretoria plaasvind.

Ons wens alle spelers en afrigters baie sterkte toe vir die 2019 seisoen.

Oefendae:
Juniors (o/14 en o/15)
Maandae, Woensdae, Donderdae
15:30-17:00
Seniors (o/16 en o/19)
Dinsdae, Woensdae, Donderdae
15:30-17:00

**Oefentye kan verander indien anders deur afrigter gereël.

CC-1616

CC-1603

CC-1559

CC-1558

CC-1493

CC-1475

CC-1474

CC-1715

Opdraf Rugby1 (2) Rugby1 Rugby2 Rugby3 Rugby4