Home » Noord-Suid Derby

Noord-Suid Derby

Die eerste Noord-Suid Derby het in 2014 begin waar slegs 4 skole deelgeneem het by HTS Drostdy.
Die behoefte het ontstaan dat skole met al hulle A-spanne saamtoer om aan een toernooi te gaan deelneem – ‘n toernooi waar die spelers mekaar kan ondersteun en die skool se afrigterspan saam met mekaar tyd kan spandeer om hulle voorbereiding van die seisoen te kan bespreek en beplan.

Soos met enige sport, vereis dit dat daar ook ‘n eenheidsgevoel moet wees en op wat ‘n beter manier as wanneer jou eerste span jou nuwe o/14 span kan ondersteun en goed kan leer ken. Meer spelers kry die geleentheid om saam te speel en só word die spanne vir die seisoen gereed gekry.

Omdat daar nie deur ‘n jaar geleentheid is vir skole van die Noorde om teen skole van die Suide te speel nie, het die behoefte ontstaan om dit op ‘n ander groot geleentheid te doen. Skole van regoor die land kry op hierdie manier die geleentheid en só word daar ook bande gebou wat voorheen nie moontlik was nie.

Ons is bevoorreg om hierdie Derby volgende jaar saam met Worcester se 200-jarige bestaansjaar, op HTS Drostdy se velde, te vier. Ons is ook bevoorreg om spesiale borge aan boord te hê vanaf 2020: Afrimat, Albany en Kaap Agri. Ons bedank graag hierdie organisasies wat bereid is om in ons jeug te investeer en hul die geleentheid te gee om op die hoogste vlak deel te neem. Ons salueer julle.
Maar geen toernooi kan egter suksesvol wees as daar nie ‘n duidelike visie is nie.

Ons waardeverklaring vir die toernooi is die volgende:
Psalm 127: – Waarde verklaring van die toernooi
“As die Here die huis nie bou nie, is die bouers se arbeid tevergeefs.
As die Here die stad nie beskerm nie, waak die wagte tevergeefs.
Kinders is ‘n gawe van die Here, die vrug van die moederskoot is ‘n beloning.”

Rugby:

  • Die rugby sal op ‘n Noord-teen-Suid-basis plaasvind om te verseker spanne speel teen ‘n opposisiespan wat hulle nooit op hul rugbykalender ontmoet nie. Elke span sal drie wedstryde tydens die toernooi speel wat op die Saterdag en Maandag en Woensdag sal plaasvind.
  • Daar is ses skole van die Noorde en ses skole van die Suide in elk van hierdie ouderdomsgroepe.
  • Elke span moet tydens inskrywing ‘n deposito van R 900-00 per span betaal.
    Ons maak voorsiening vir 22 spelers by o/14, o/15 en o/16, 23 spelers by die o/19’s asook twee afrigters vir elke rugbyspan.
  • Die twee afrigters se kostes beloop R350 per persoon vir verblyf – wat ook hulle toegang na die Bok-en-Biltongaand sal gee wat die Vrydagaand – saam met ‘n klomp Springbok-rugbyspelers en legendes – sal plaasvind.

Netbal:

  • Ons het twaalf o/19-netbalspanne wat aan die Noord-Suid-Derby gaan deelneem, wat in 2 poele van 6 opgedeel word. Die een poel se spanne sal teen die ander poel se 6 spanne speel. Die uitslae sal gebruik word om spanne in te deel om uiteindelik vir die 1ste tot 12de posisie uit te speel.
  • Elke span moet tydens inskrywing ‘n deposito van R 900-00 betaal.
    Ons maak voorsiening vir 10 spelers en twee afrigters/skeidsregter vir elke netbalspan.
  • Die twee afrigters se kostes beloop R350 per persoon vir verblyf wat ook hulle toegang na die Bok-en-Biltongaand sal gee wat die Vrydagaand – saam met ‘n klomp Springbok-rugbyspelers en legendes – sal plaasvind.
  • Elke span moet asseblief ‘n skeidsregter beskikbaar stel met ‘n Provinsiale C+-gradering. Indien nie sal daar ‘n heffing van R600 per span wees.

Hokkie:

  • Die hokkietoernooi bestaan uit 10 seuns- en 10 dogtershokkiespanne wat dieselfde formaat as die netbalspanne volg. Spanne is in 2 poele van 5 opgedeel. Die een poel se spanne sal teen die ander poel se 5 spanne speel. Die uitslae sal gebruik word om spanne in te deel om uiteindelik vir die 1ste tot 10de posisie uit te speel.
  • Elke span moet tydens inskrywing ‘n deposito van R 900-00 betaal.
  • Ons maak voorsiening vir ‘n maksimum van 15 spelers en twee afrigters vir elke hokkiespan.
  • Die twee afrigters se kostes beloop R350 per persoon vir verblyf wat ook hulle toegang na die Bok-en-Biltongaand sal gee wat die Vrydagaand – saam met ‘n klomp Springbok-rugbyspelers en legendes – sal plaasvind.

Kostes:

  • Kostes beloop R 1200-00 per leerder.
  • Busbestuurders en enige ekstra spanbestuurders moet dieselfde koste (R1200) as die leerders betaal.
  • Dit sluit die volgende in: verblyf, ontbyt, middagete en aandete. Daar sal egter geen middagetes verskaf word op Sondag, 22 Maart 2020, nie.
  • Ons weet dat die afrigters en personeel hulle vakansies opoffer om spanne te vergesel en daarom word daar funksies aangebied soos bv. die Bok-en-Biltongaand saam met Dawie Spies, Carel du Plessis, Jannie de Beer en Vleis Visagie.
  • Kostes vir leerders sluit vertonings in van Brendan Peyper, Taschè Burger, Onbeskaamd asook Pierre Spies.

SCAS- Sport for Christ Action South Africa:

  • SCAS is ‘n nie-winsgewende organisasie in Stellenbosch. Hulle hartklop is om mense te dien in die wêreld van sport.
  • SCAS-lede sal gebruik word gedurende die toernooi om te help met die organisasie en logistieke.
  • SCAS-lede sal gebruik word as “chaperones” om elke span bytestaan gedurende die toernooi asook met enige probleem wat sal kan opduik.
  • SCAS-lede sal ten alle tye spanne vergesel na wedstryde, etes, koshuise, vertonings asook die afdae saam met sy/haar ingedeelde span.

Noord-Suid Derby program.
Volg ons op Facebook of Instagram.

Kontakpersone vir enige inligting:

Kurt Herzog E-pos 076 918 4050 (Toernooi Direkteur)
Simone Retief E-pos 082 623 2867 (Netbal)
Sylvester Booysen E-pos 082 633 9956 (Rugby)
Daniël Roothmam E-pos 072 507 9372 (Hokkie)

Afrimat_Noord-Suid Derby Logo