Home » Krieket

Krieket

Krieket by Drostdy het ‘n ongelooflike 2019/2020 seisoen ervaar.

Ons o/15B- en o/19 B-spanne speel in die Noord-Boland se weekliga en speel uiterse kompeterende krieket. Meeste skole wat ons teen meeding speel in die liga met hul skool se A-spanne.

Drostdy se o/15 A-span speel in Boland se Saterdag-liga wat uit 50 boulbeurte per kolfbeurt bestaan. Dit is ‘n strawwe kompetisie, maar Drostdy is ‘n gerekende span in die Boland. Oorwinnings teen onder andere Boland Landbou en Worcester Gimnasium, wys dat krieket by Drostdy nog blakend gesond is. Daar word ook addisionele week wedstryde gereël om die vaardighede in T20 wedstryde te ontwikkel.

Ons o/19 A-span speel ook in die Boland se Saterdag kompetisie. Hierdie wedstryde is hoogs kompeterend aangesien die senior seuns al die fyner kunsies van krieket ken en beoefen. Hierdie seisoen eindig die skool in die top 50 van die land se eerstespanne. ‘n Ongelooflike prestasie vir ons as skool.

Die o/19 A-span neem jaarliks deel aan Boland se T20 uitklop kompetisie en het die jaar gevorder tot in die 4de rondte.

Vir die eerste keer in Drostdy se geskiedenis, het ons ‘n dogters-span op die been gebring. Nie net het hulle al hul wedstryde oortuigend gewen nie, maar lewer ons ook drie Noord-Boland spelers op. Die dogters kry die geleentheid om hul staal te wys teen sterk skole in die Noord-Boland omgewing. Na slegs een seisoen word die span as een van die bestes in die streek geag.

Ons het ook ‘n aantal spelers opgelewer in die Noord-Boland spanne:

o/15’s:
Cobus de Villiers
Darius Venter
Ruvan Barnard
Jacques Jordaan
o/17’s:
Gerhard Burger
Roland Evertson
Michael Mangiagalli
Luke Bock
Dogters:
Helena du Toit
Anke Both
M’Cailen Lombaard

‘n Groot dankie ook aan elke ouer en borg vir ongelooflike ondersteuning deur die seisoen.

IMG_2328

IMG_2294

IMG_1999

IMG_1987

IMG_1866

IMG_1852

IMG_1785

IMG_2391

IMG_2368

IMG_2354