Home » Fietsry

Fietsry

Ons het ‘n ongelooflike 2019-bergfietsjaar met besondere prestasies beleef.

Die jaarlikse fietsrykamp by Haboniem net buite Hermanus was soos gewoonlik, ‘n baie suksesvolle spanbousessie. Die ryers het mekaar beter leer ken en gewerk aan fiksheid en tegniese vaardighede. Die kamp is aangebied deur Marcel Van der Poll van Velow World Coaching.

Drostdy se fietsrydonkies het ons baie trots gemaak die jaar. Ons het vir die jaar derde in die gemegde spanne geëindig tydens die Spur-liga in die Westelike Provinsie. Die jaarlikse kampioenskap by by Wagpos in Britz was ‘n besondere geleentheid vir ons ryers. Dit het plaasgevind vanaf Donderdag 26 September en Saterdag 28 September 2019. Ons het in die gemengde liga (seuns en dogters) by die Nasionale byeenkoms algeheel tweede geїendig. ‘n Eerste vir die Donkies.

Die volgende leerders het die skool verteenwoordig:
Nienke Mostert
Christelle Joubert
Suné van der Merwe
Eben Baasden
Botha de Wet
Johan van Zyl
Heinie Beukes
MJ Visagie
Gustave Prins
Tiaan Steenkamp

Johan van Zyl, Nienke Mostert en Christelle Joubert was ook gekies om die Wes-Kaapse Spur-ligaspan tydens die Nasionale Kampioenskap te verteenwoordig. Johan van Zyl was ook aangewys as die kaptein van die Wes-Kaap span.

Die jaar het ons fietsyers ongelooflik presteer: Fietsry_2019

Deelname aan baie ander bergfietsbyeenkomste deur ryers bly ook toeneem. Die jaar sou onmoontlik gewees het sonder ons borge – Mohein Farms en Stahlbau Projects – baie dankie vir julle bydrae.

Baie dankie aan elke ouer vir jul ondersteuning aan die ryers deur die jaar.

IMG-20190930-WA0009 (1) IMG-20191001-WA0004 (1) IMG-20190622-WA0000 (1) IMG-20190927-WA0030 (1)

Reëlings rondom fietsry:

  1. Geen koshuisleerder mag op haar/sy eie oefen nie.
  2. Amptelike oefentye vir 2020: Maandag, Dinsdag en Donderdag vanaf 15:30 tot 17:00.
  3. Alle leerders moet ‘n valhelm dra.
  4. Alle leerders moet tydens die oefening ‘n waterbottel by hom/haar hê.
  5. Geen oorfone word toegelaat nie.
  6. Ons moet sekere fooie oorbetaal aan Worcester Wheelers om te mag ry op paaie in die omgewing en daarom sal alle ryers teen einde Februarie 2020 ‘n eenmalige fooi van R180 moet betaal..
  7. Aangesien fietsry vir ons baie kos vir afrigting, is ons genoodsaak om die jaar ook ‘n fooi van R150 per kwartaal te vra vir ryers. Hierdie gelde moet asb. by die finansiële kantoor betaal word. U kan ook die geld EFT, dit moet net duidelik aangedui word dat dit vir fietsry is en die leerder se toelatingsnommer moet ook bygevoeg word.
  8. Alle fietse moet in die fietshokke by elke koshuis gebêre word en ten alle tye ook gesluit wees, so voorsien asseblief ‘n fietsslot.
  9. Fietshokke sal oopgesluit word om 15:20 en weer om 17:00.
  10. Fietsryhemde/ klere sal teen die tweede kwartaal beskikbaar wees, bestellings sal reeds in die eerste kwartaal afgehandel word.

Daar is dikwels nuwe ouers wat onseker is oor hoe die fietry-liga fuksioneer. Hierdie uiteensetting behoort so bietjie meer duidelikheid te gee rakende die fietsry-ligas.
Die skool fokus op die Spur-liga.

XCO
Cross – Country Olympic
XCM
Cross-Country Marathon
PPA
Pedal Power Association
SPUR
Skool-ligabyeenkomste
Kan provinsiale kleure verwerf
Winelands en dan Wes-Kaap (WC)
Kan dan gekies word vir SA span
Kan provinsiale kleure verwerf
Winelands en dan Wes-Kaap (WC)
Kan dan gekies word vir SA span
Kan nie provinsiale kleure verwef nie Spur wys provinsiale spanne aan wat provinsie verteenwoordig by Nasionale Kampioenskap.
Skool kies span wat skool verteenwoordig by Nasiaonale Kampioenskap.
Februarie – April April – Oktober Deur die jaar Junie – September
Tegniese baan wat ‘n sekere aantal keer gery word volgens ouderdom Langer afstande, afstand word bepaal deur ouderdom Afstande verskil volgens organiseerders Minder tegnies as XCO, maar ook ‘n baan wat ‘n sekere aantal keer gery word volgens ouderdom
Moet registreer by SA Cycling Moet registreer by SA Cycling Registreer by PPA Registreer by Amaraider vir die Spur (geen kostes)
wpcycling
cyclingsa
wpcycling
cyclingsa
pedalpower spurmtbleague

 
Kontak Leonora van Tonder gerus vir enige navrae rakende die liga per epos.

IMG-20190927-WA0013 (2) IMG-20180609-WA0016 (1)