Home » Atletiek

Atletiek

Drostdy se atletiek begin jaarliks met die graad 8’s se atletiekbyeenkoms (aangebied deur die Bestuurskomitee) aan die einde van hul oriënteringsweek. Die week daarna word opgevolg met ons Interkoshuis-atletiekbyeenkoms met die fokus op massadeelname.

Die Interkoshuis-atletiekbyeenkoms is op Woensdag 18 Januarie 2017 gehou. Dit was van die begin af ‘n titaniese stryd tussen die koshuise en dorp. Die meisies is ingedeel in Bergsig en Dorp en die seuns in Noordsig, Stalshuis en Dorp.

Geluk aan Bergsig wat as wenner van die meisies en Stalshuis wat as wenner van die seuns geseëvier het. Op dié dag is heelwat rekords verbeter. Noordsig het die sangbeker gewen. Geluk aan Meriska Van Zyl (junior victrix ludorum), Nayren Solomons (junior victor ludorum), Anel Pienaar (senior victrix ludorum) en Shaun Albertus (senior victor ludorum).

21 Januarie 2017: Stellenberg-atletiekbyeenkoms
Op 21 Januarie het Drostdy aan die Stellenberg-uitnodigingsbyeekoms met 125 atlete gaan deelneem. Die skole teen wie Drostdy deelgeneem het, was Stellenberg, Durbanville, Paul Roos Gimnasium, Bloemhof-meisieskool, Porterville en Outeniqua.
HTS Drostdy eindig algeheel 3de op die byeenkoms.
Drostdy verower 21 goue, 22 silwer- en 18 bronsmedaljes.

Die volgende atlete verbeter rekords
Francois Marais: o.15-seuns 3 000m – 10:23.10
Anel Pienaar: o.19-dogtersdiskus – 39.76 m
Christi Grobbelaar: o.17-seuns 400 m – 52.39 s asook o.17 400 m hekkies – 56.96 s
JP Snell: o.14-seuns verspring – 5.60 m

Baie geluk aan Anel Pienaar wat aangewys is as die beste dogtersatleet van die dag !!!!

IMG_3920 IMG_4020 IMG_4038 IMG_4125 IMG_4400 IMG_4437 IMG_4525 IMG_4706 IMG_4887